Trajneri i njohur, Eric Cressey, konstaton që këto katër ndryshime të thjeshta në formën dhe teknikën bench-press do t’ju ofrojnë rezultate të pabesueshme.
Nëse bisedoni me cilindo bodybilder, është më se e sigurt që për disbalancën në supe do ta fajësojë shufrën e gjoksit, transmeton Telegrafi.
Me katër ndryshime të thjeshta në formë, do të kurseni supet dhe do të përmirësoni ekzekutimin e këtyre ushtrimeve…
1. Më shumë angazhoni këmbët
Bench-press është ushtrim për tërë trupin, thotë Eric Cressey nga Cressey Sports Performance. Sa më shumë që këmbët tuaja të jenë të angazhuara, supet tuaja do të ketë presion më të vogël.
Zgjeroni këmbët kur të shtriheni në bankë dhe shtrëngoni për dysheme. Çdo përsëritje fillojeni me mbështetjen e shputave mbi bazë, e cila do t’ju ndihmojë që të ngrini shufrën nga gjoksi.
2. Përqafoni shufrën
Para se të kapni shufrën, bashkoni shpatullat sikur jeni duke përqafuar shufrën me supet tuaja.
Mbani supet në atë pozitë gjatë gjithë ekzekutimit të ushtrimit me qëllim që të siguroni vetes bazë sa më stabile për ekzekutimin e ushtrimit.
3. Ngushtoni kapjen
Kapja e gjerë e shufrës përkufizon vëllimin tuaj të lëvizjes dhe i vë supet tuaja në pozitën në të cilën do të jenë shumë më të lëndueshme dhe të ekspozueshme lëndimeve.
Ngushtoni kapjen ashtu që të jetë saktësisht në gjerësinë e supeve. Kur të ngrini shufrën, mos e ndryshoni pozitën e supeve.
4. Tërhiqeni para shtypjes
Nëse lejoni që shufra të bjerë në gjoksin tuaj dhe të refuzohet nga eshtrat e gjoksit, mund të lëndoheni seriozisht.
Në vend të kësaj, tërhiqeni në mënyrë të kontrolluar shifrën në drejtim të gjoksit ashtu që të jenë të angazhuar muskujt e pjesës së sipërme të shpinës. Kjo do të ngrejë gjoksin tuaj lart dhe do të përkufizojë vëllimin e lëvizjeve. Pastaj largojeni shufrën ashtu që pjesën e poshtme të shpinës ta shtrëngoni mbi shufër. /Telegrafi/