“A është sot dita e gënjeshtrave?” – Luis Enrique reagon ndaj lajmeve që e lidhin atë me Manchester Unitedin

Trajneri i Spanjës, Luis Enrique pyeti nëse sot ishte “Dita e Gënjeshtrave” (1 Prilli), pasi lidhet me një kalim te Manchester United.

U njoftua të dielën në mëngjes se skuadra e Ligës Premier kishte ndarë rrugët me Ole Gunnar Solskjaer pas humbjes së tyre të tmerrshme 4-1 ndaj Ëatford në Vicarage Road, me Michael Carrick që do të jetë zëvendësues i përkohshëm.

Lexo po ashtu Pesë arsyet që çuan në shkarkimin e Solskjaerit nga Unitedi

Në orët e fundit, disa emra të profilit të lartë janë lidhur me këtë rol, duke përfshirë ish-strategun e Real Madridit, Zinedine Zidane, i cili është i preferuari i familjes Glazer.

Luis Enrique gjithashtu ka qenë i lidhur me këtë rol. Në fakt, Cristiano Ronaldo thuhet se dëshiron që ish-trajneri i Barcelonës të bëhet trajneri i ri në Old Trafford.

Lexo po ashtu Neville insiston se ishte gabim shkarkimi i Solskjaer nga United

Duket se ish-trajneri i Barcelonës nuk po planifikon të largohet nga Spanja për momentin. Në fakt, ai pyeti nëse sot ishte “Dita e Gënjeshtrave”.

Enrique kuptohet se është ‘shumë i lumtur’ në punën e tij aktuale me ekipin kombëtar, sipas ekspertit të transferimeve Fabrizio Romano, i cili hedh poshtë ato raportime të mëparshme që sugjerojnë se Enrique do të ishte i interesuar të fliste me Djajtë e Kuq për rolin drejtues të ekipit. /Telegrafi/