Australia ka rezervuar vendin e saj në raundin tjetër të Kupës së Botës “Katar 2022” pasi mposhti Danimarkën me rezultat 1-0 në ndeshjen e sotme (e mërkurë) dhe skenat duken të çmendura nga tifozët e “Socceros”.
Matheë Leckie shënoi golin e vetëm në pjesën e dytë të ndeshjes së tyre në Grupin D ndaj Danimarkës dhe Australia u kualifikua në raundin e 1/8-tës.
Sulmuesi 31-vjeçar prodhoi një moment magjie në minutën e 60-të, teksa shënoi gol të bukur me këmbën e majtë.
Australia are through to the Round of 16! 🇦🇺 #FIFAWorldCup | @adidasfootball
— FIFA World Cup (@FIFAWorldCup) November 30, 2022
Australia, e cila humbi ndeshjen hapëse të Kupës së Botës me Francën, kalon në raundin tjetër të turneut, pasi ka shënuar dy fitore radhazi në Katar.
Fitorja e Australisë dhe kualifikimi në 1/8-tën ka bërë që tifozët australian të shpërthejnë në skena të çmendura në atdheun e tyre.
Një video tregon tifozët në një gjendje euforie, duke ndezur fishekzjarrë dhe mjete tjera piroteknike teksa festojnë fitoren e madhe.
The local time in Australia is 3:51 AM and the fans are celebrating their @Socceroos 🗣️#FIFAWorldCup
🎥: @SBSSportau pic.twitter.com/uiMxbwyOIp
— The Sporting News (@sportingnews) November 30, 2022
Mijëra mbështetës janë mbledhur në rrugë, duke parë ndeshjen e zhvilluar në një ekran të madh.
Ndryshe, Franca u kualifikua nga vendi i parë në grupin D, ndërsa Australia kalon tutje nga pozita e dytë. /Telegrafi/