A mendoni se lidhjet e mbushura me pasion ndryshojnë shumë pas martesës?
Në disa mënyra ndryshojnë, mirëpo diferencat mes çifteve të martuara dhe të pamartuara anojnë më mirë për këta të parët, transmeton Telegrafi.
Individët e martuar kanë lidhje shumë më të fortë se pala e dytë. Dhe, pavarësisht se shpeshtësia e seksit është e lidhur me kënaqësinë në lidhje, çiftet e pamartuara raportojnë se kanë më shumë seks, por ndjehen më pak të kënaqur në lidhje.
Veç kësaj, përderisa të pamartuarit prihen ta përfundojnë lidhjen nëse nuk janë të kënaqur me jetën seksuale, të martuarit qëndrojnë së bashku edhe nëse nuk bëjnë aq shumë seks sa dëshirojnë.
Një ndër shkaktarët e rrallimit të seksit në martesë, mund të jetë humbja e risisë, apo se gjithçka është bërë shprehi me partnerin tuaj.
Nuk do të thotë se jeni e mërzitur me partnerin, mirëpo individët e martuar, sipas një studimi, thuhet se nuk kanë nevojë për seks aq shpesh sa dikur.
Sidoqoftë, në mënyrë interesante njerëzit që rimartohen raportojnë se kanë shumë më shumë seks sesa ata që janë në martesën e parë. /Telegrafi/