Ermal Krasniqi shënon golin e parë me fanellën e Sparta Pragës – sulmuesi tundi rrjetën pas disa lëvizjeve të bukura

Sulmuesi anësor Ermal Krasniqi ka arritur të shënojë golin e parë me fanellën e Sparta Pragës në kuadër të xhiros së dytë të Superligës së Çekisë.

Sparta Praga ishte mysafire e Teplices ku mori fitoren e dytë kampionale në po aq ndeshje, me një triumph prej 4-1.

Ermal Krasniqi u fut në lojë në pjesën e dytë, gjegjësisht në minutën e 69-të, derisa në atë minutë doli nga Loja Qazim Laçi që e nisi nga minuta e parë.

Zhvillohej minuta e pestë e kohës shtesë, kur Krasniqi mori një top afër zonës dhe me disa lëvizje të bukura trullosi mbrojtësit e skuadrës kundërshtarë për të gjuajtura pastaj dhe për të gjetur rrjetën për 4-1.

Ermal Krasniqi këtë sezon ka kaluar nga Rapid Bukuresht te Sparta Praga. /Telegrafi/