Sulmuesi norvegjez Erling Haaland është duke luajtur në formë spektakolare dhe çdo top që bart në shtëpi pas një het-triku, ai përshëndetet me një mesazh interesant nga bashkëlojtarët e tij.
Në tre xhirot e para të Ligës Premier, Haaland shënoi dy het-trik, ndërsa ka shtatë gola me Manchester City, duke i sjell tri fitore në sezonin e ri.
Ai duket se është më i fortë se kurrë më parë dhe arsyeja mund të fshihet në stërvitjet e shtuara gjatë gjithë verës, pasi trajneri i tij Pep Guardiola zbuloi se Haaland qëndron në stërvitje për gjysmë ore pas çdo seance stërvitore, gjë që nuk e ka bërë kurrë më parë.
Siç ndodh zakonisht, lojtari që shënon një het-trik e merr topin në shtëpi, dhe Haaland ka marrë në shtëpi deri në tetë në pak më shumë se dy sezone që nga mbërritja në Manchester City.
Të gjithë lojtarët e Manchester City firmosin topin në kujtim të Haaland dhe në dhomën e zhveshjes së klubit Etihad, dikush mesa duket është lodhur duke firmosur topa për norvegjezin, ndaj ka nisur t’i dërgojë mesazhe interesante.
Pas një het-triku në xhiron e dytë kundër Ipsëich, dikush nga dhoma e zhveshjes së Man Cityt i shkroi Haaland: “Jam lodhur duke nënshkruar topa”.
Duket se i njëjti ka shkuar një hap më tej dhe kundër West Ham ai i shkroi në top: “F*ck off”.
Por duket se Haaland nuk do të ndalet dhe bashkëlojtarët e tij do të nënshkruajnë topin edhe në të ardhmen e afërt. /Telegrafi/