Christian Eriksen pothuajse u tërhoq nga transferimi te Manchester United, por në fund me futjen në lojë të trajnerit Erik ten Hag situata ndryshoi.
Danezi nënshkroi për Man United të premten pasi kishte mbetur pa kontratë me Brentfordin, ndërsa për “Djajtë e Kuq” ai ka nënshkruar një marrëveshje trevjeçare.
Sipas mediave angleze, danezi kishte hezituar për një lëvizje në klubin e njohur.
Burime pranë lojtarit tregojnë se ai nuk ishte i sigurt për t’u bashkuar me Man United, pasi ata po nisnin një epokë të re nën trajnerin Erik ten Hag, edhe pse kishin ofertën financiare më të mirë se klubet e tjera në garë.
Eriksen u bind përfundimisht pas bisedimeve me trajnerin Ten Hag, me të cilin ai punoi në Ajax, kur po provonte të rikthehej në aksion vetëm disa muaj pasi pësoi atak kardiak në fushë gjatë Euro 2020.
Christian Eriksen is a RED! ✍️🔴#MUFC || @ChrisEriksen8
— Manchester United (@ManUtd) July 15, 2022
Danezi bëhet nënshkrimi i dytë i madh i Man United nën drejtimin e trajnerit të ri Erik ten Hag pas ardhjes së mbrojtësit të majtë Tyrell Malacia nga Feyenoord. /Telegrafi/