Mesfushori i Tottenham Hotspurs, Christian Eriksen i përfundon kontrata aktuale më 30 qershor të vitit të ardhshëm. Për momentin, ai nuk ka rinovuar me skuadrën londineze, e cila ka arritur ta mbajë edhe për këtë sezon.
Mesfushori danez dha një intervistë për mediumin “Ek Ekstra Bladet”, në të cilin bëri një vlerësim se si do të dëshironte të vendoste të ardhmen profesionale.
“Do të doja të vendosja vetë, sikur të isha menaxheri i futbollit, edhe pse unë nuk mund ta bëjë këtë. Kurrë nuk e di se çfarë do të ndodhë, pasi që ka shumë gjëra që hyjnë në lojë”, pranoi lojtari, i cili fajëson thashethemet se janë gjeneruar në lidhje me të ardhmen.
“Unë nuk lexoj ato që shkruhen për mua. Thashethemet kanë qenë më të forta, sepse kontrata ime do të marrë fund në qershor”, tha mesfushori.
Më në fund, ai pranon se nuk i vjen keq për deklaratat rreth “dëshirës për t’u përballur me një sfidë të re”.
Real Madridi dhe Manchester Unitedi kanë qenë dy klubet e interesuara për mesfushorin krijues. Juventus ka qenë i fundit që u bashkua në listën e kërkuesve të shërbimet e futbollistit. /Telegrafi/