Trajneri i Manchester Unitedit, Erik ten Hag ka mohuar të ketë probleme dhe trazira brenda ekipit të tij.
Raportet që dolën nga mediat britanike në ditët e fundit kanë folur për trazira të mundshme në zhveshtoren e klubit pas rezultateve zhgënjyese.
Disa lojtarë dyshohet se akuzojnë Ten Hag se ka favorizuar anëtarë të caktuar të skuadrës, ndërsa vazhdimisht veçojnë yjet e tjerë të skuadrës së parë për kritika publike.
Megjithatë, diçka të tillë ka mohuar trajneri holandez, i cili ka thënë se të gjitha janë të bashkuar dhe qëndrojnë së bashku.
🎙️ "I know my players."
Erik ten Hag comments on the number of leaks coming from the dressing room at Manchester United pic.twitter.com/j6y57fEzhq
— Sky Sports News (@SkySportsNews) September 22, 2023
“Në dhomën e zhveshjes, stafi, trajnerët, mjekët – këtu të gjithë janë të bashkuar”, ka thënë fillimisht Ten Hag në konferencë.
“Këtu në Manchester United ju luftoni. Nuk e di nëse janë rrjedhje. Unë i njoh lojtarët e mi dhe e vetmja gjë është të fitoj ndeshjet këtu. E di që nuk ka vetëm ngritje, por ka edhe ulje”.
“Ne dalim më të fortë për sa kohë që qëndrojmë së bashku. Kjo është ajo që bëjmë. Unë i njoh lojtarët e mi. Ju duhet të fitoni çdo ndeshje në mënyrë që të mos ndryshojë asgjë”, përfundoi trajneri i Djajve të Kuq. /Telegrafi/