Çdo ditë organizatorë të ndryshëm, kompani video-lojërash, ekipe dhe lojtarë të eSports po reagojnë ndaj sulmeve të shtetit rus ndaj Ukrainës, së fundmi një ndalesë e ka bërë edhe kompania e video-lojërave EpicGames.
Në një postim të fundit në rrjetet sociale nga Fortnite Competitive, u njoftua se duke filluar nga 11 marsi 2022, Rusia do të shtohet në listën e vendeve ku lojtarët nuk kanë të drejtë të fitojnë çmime në para në turnetë “Fortnite Competitive”.
Effective March 11, Russia will be added to the list of countries where players are ineligible to win cash prizes in Fortnite tournaments.
See blog for more details https://t.co/zgU3pNquGH
— Fortnite Competitive (@FNCompetitive) March 11, 2022
Sipas EpicGames, lojtarët që banojnë në Rusi duhet të përfundojnë procesin e verifikimit të çmimeve për çdo turne të mëparshëm dhe të kërkojnë shpërblimet nga ofruesi i pagesave të EpicGames përpara datës 22 mars 2022.
Nëse çmimet në para mbeten të padeklaruara pas datës 22 mars 2022, ato do të “ngrihen” derisa ofruesi i shërbimit të pagesave të EpicGames të jetë në gjendje të rifillojë dhënien e çmimeve për lojtarët që banojnë në Rusi. /Telegrafi/