Enzo Zidane iu bashkua gjatë verës skuadrës së Alavesit, por tanimë nuk është pjesë e skuadrës spanjolle.
Mesfushori 22-vjeçar nuk ka arritur të bind ish-trajnerin italian të kombëtares shqiptare, Gianni de Biasin.
Në pesë ndeshjet e deritanishme të ligës elitare spanjolle nën drejtimin e italianit, francezi ka qëndruar në tribunat e stadiumit.
Trajneri De Biasi njihet si një teknik i fokusuar te forca e grupit, dhe jo te emrat e veçantë, çka e dëshmoi edhe te Shqipëria ku la jashtë disa lojtarë titullarë
E vetmja ndeshje kur djali i madh i trajnerit Zinedine Zidane, luajti si titullar ishte përballja e Kupës së Mbretit me Getafen.
Në fillim të sezonit, nën drejtimin e Luis Zubeldías, 22-vjeçari luajti kundër Barcelonës dhe Celta Vigos, por largimi i argjentinasit pas një fillimi të tmerrshëm ndryshoi edhe fatin e Enzos.
Kujtojmë se ky i fundit nënshkroi një kontratë trevjeçare dhe duket se do të largohet më shpejt se që është pritur prej Alavesit. /Telegrafi/