Talenti me prejardhje shqiptare, Enis Bardhi po vazhdon shkëlqimin e tij me Levanten në kampionatin spanjoll, La Liga.
Enis Bardhi ka vazhduar me gola dhe atë të bukura nga gjujtja e lirë me Levante në La Liga.
Pas dy supergolave nga gjuajtja e lirë para dy javësh ndaj Athletic Bilbaos, Bardhi ka gjetur edhe një në ndeshjen e së hënës mbrëma ndaj Leganes.
Reprezentuesi i Maqedonisë ka shënuar një gol të bukur nga gjuajtja e lirë në minutën e 59-të të ndeshjes.
59' |0-2| ¡¡¡GOOOOL!!! ¡¡¡GOOOL GOOOL de Bardhi!!! #LeganésLevante pic.twitter.com/3g6v63nuIz
— Levante UD (@LevanteUD) May 7, 2018
Ky gol i Bardhit erdhi nga rreth 20 metra dhe ishte i epërsisë 2-0.
Në fund skuadra e tij fitoi në udhëtim me rezultat të thellë 0-3.
Ndryshe, ky është goli i shtatë nga Bardhi në sezonin e tij të parë si futbollist në La Liga, teksa ka edhe një asistim.
Në anën tjetër, ky ishte goli i pestë nga gjuajtja e lirë në këtë sezon dhe vetëm Messi ka më shumë me gjashtë të tillë. /Telegrafi/