Kompania Energy Development Group – Kosova njofton se ka aplikuar në Zyrën e Rregullatorit për Energji (ZRRE) për licencim në projektin projektin solar me kapacitet të instaluar prej 6MW në Kodrën e Hutit të Komunës së Gjakovës.
Sipas kompanisë, kërkesa në ZRRE është bërë që energjia e prodhuar të shitet sipas çmimit të tregut.
“Shoqëria Energy Development Group – Kosova L.L.C. për projektin solar me kapacitet të instaluar prej 6MW, ZK Kodra e Hutit, Komuna e Gjakovës, me rastin e aplikimit, ka dorëzuar në ZRRE dëshmitë për marrje të autorizimit”, thekson kompania.
Aty thuhet se të gjithë palët e interesuara mund të kundërshtojnë dhënien e kësaj licence brenda tetë ditë pune, nga data e shpalljes së këtij njoftimi.
“Njoftohen të gjitha palët e interesuara që vërejtjet e tyre eventuale lidhur me këtë aplikacion, mund t’i paraqesin në ZRRE brenda tetë ditësh nga data e publikimit të këtij njoftimi në adresën elektronike leke.sahatciu@gmail.com dhe legal-lecensing@ero-ks.org“, përfundon njoftimi. /Telegrafi/