Ekipi i ENCE është duke treguar lojë fantastike, pasi mposhti ekipin danez, Copenhagen Flames për të siguruar gjysmëfinalen në PGL Antwerp Major CS:GO.
Ndeshja e zhvilluar në formatin ‘Bo3’, filloj me mapin e zgjedhur nga Copenhagen Flames, ‘Vertigo’, ku në pjesën e parë rezultati ishte i thellë 12:3 në të mirë të ekipit ENCE, në pjesën e dytë ekipi danez filloj të rikthehet duke arritur të fitojë shtatë raunde, por në fund ENCE e përmbylli mapin me rezultat 16:10.
Në mapin e dytë ‘Nuke’, i zgjedhur nga ekipi fitues, pjesa e parë shkoj në të mirë të ekipit Copenhagen Flames 9:6, por edhe kësaj radhe ekipi ENCE tregoj lojë fantastike duke e përfunduar mapin me rezultat 16:12, dhe ndeshjen me rezultat të përgjithshëm 2:0 me mapa.
Lojtari më i vlefshëm i ndeshjes edhe njëherë ishte Lotan ‘Spinx’ Giladi, me 50 eliminime dhe 28 herë i eliminuar, me vlerësimin nga HLTV 1.47.
Me këtë fitore ekipi i ENCE ka siguruar gjysmëfinalen dhe do të takohet me fituesin e ndeshjes Na’Vi – Heroic, nesër (e shtunë).
Formacioni i ekipit ENCE:
Lotan ‘Spinx‘ Giladi
Olek ‘hades‘ Miskiewicz
Paweł ‘dycha‘ Dycha
Marco ‘Snappi‘ Pfeiffer
Pavle ‘Maden‘ Bošković
/Telegrafi/