Ekipi ENCE ka mposhtur ekipin danez Heroic për t’u afruar edhe më afër vendit të parë, dhe kualifikimit në turneun BLAST Premier Spring Final.
Gjithçka nisi me mapin e zgjedhur nga ENCE, ‘Ancient”, ku treguan lojë të mirë duke e përfunduar mapin në favor të tyre me rezultat 16:9.
Në mapin e dytë edhe pse rezultati ishte i ngushtë, ekipi Heroic arriti që të barazojë në 1:1 me mapa duke fituar në ‘Overpass’ me rezultat 16:13.
https://www.youtube.com/watch?v=02IpIN5UDs4
Ndërsa mapi i fundit ‘Mirage’ ishte krejt kohën në dominim të ekipit ENCE, ku në fund me lehtësi e përmbyllen mapin me rezultat 16:5 si dhe ndeshjen me rezultat të përgjithshëm 2:1 me mapa, për t’u bërë ekipi i parë finalist i turneut.
Lojtari më i vlefshëm në këtë ndeshje ishte Pavle ‘Maden’ Bošković me vlerësimin nga HLTV 1.45.
Ndeshjen finale, ENCE do ta zhvillojë kundër fituesit të ndeshjes NiP – Astralis, të dielën duke filluar nga ora 19:30.