Portieri i Argjentinës, Emiliano Martinez, është cilësuar si “djalë bushtre” dhe “njeriu më i urryer” nga ish-fituesi i Kupës së Botës, Adil Rami.
Gjestet e diskutueshme të 30-vjeçarit gjatë dhe pas finales së Kupës së Botës “Katar 2022” të së dielës në Lusail Stadium kanë ndarë opinionet.
Ai përdori një sërë lojërash mendore për të trazuar Francën ndërsa ata u ngritën për të goditur penalltitë e tyre në finale.
Edhe gjatë paradës së trofeut të Argjentinës, portieri i Aston Vilës u tall me Kylian Mbappen duke mbajtur një lodër për fëmijë që kishte mbi të fytyrën e francezit. Ai e bëri këtë edhe në zhveshtore.
Disa orë pas incidentit, Adil Rami, i cili fitoi Kupën e Botës me Francën në vitin 2018, u përplas me Martinezin për veprimet e tij pas ndeshjes.
Në një ‘story’ të postuar në llogarinë e tij në Instagram, ish-mbrojtësi i Lille, Sevilla dhe Valencia e quajti portierin si “djali më i madh i një bushtre në futboll” dhe “njeriu më i urryer”.
Më pas, në një postim tjetër, ai pretendoi se Yassine Bounou i Marokut duhet të kishte fituar çmimin “Doreza e Artë”.
Dhe së fundi, Rami pretendoi se fituesi i Këpucës së Artë, Kylian Mbappe i ka “traumatizuar” kundërshtarët e tij deri në pikën ku ata po festojnë për ta mposhtur atë më shumë se sa për të ngritur vetë Kupën e Botës. /Telegrafi/