The International është turneu më i madh i cili organizohet në kuadër të video-lojës Dota 2, në vitin e kaluar në finale u përballën ekipi Team Spirit dhe PSG.
Së fundmi në kanalin zyrtar të Dota 2 në platformën Youtube janë postuar disa nga momentet e turneve të kaluar të turneut më të madh The International.
Videoja tregon gjithçka rreth emocioneve të lojtareve, komunikimin e tyre mes mapave, si dhe planet e tyre se si ta mposhtin ekipin kundërshtar, në turneun me shpërblimin më të madh në histori të eSports.
Internacionalin e vitit të kaluar i cili u mbajt në Bukuresht të Rumanisë, në finale u përballën ekipi Team Spirit ndaj PSG.LGD.
Ndeshja finale ishte përplot emocione dhe një spektakël i vërtet për publikun, ku në fund fitues doli ekipi Team Spirit me rezultat të përgjithshëm 3-2 me mapa.
Në këtë turne si shpërblime janë ndarë rreth 40 milion dollarë, ku 18 milion shkuan për ekipin fitues.
Më poshtë e gjeni videon me të gjitha momentet nga finalja e madhe e The International 2021.
