Unai Emery ka konfirmuar se ai kishte kontakte me disa klube italiane dhe është i hapur për të trajnuar në Serie A.
Ish-trajneri i Paris Saint-Germain dhe Arsenalit është aktualisht një agjent i lirë dhe foli për TuttoJuve.com për hapin e tij të ardhshëm.
Spanjolli zbuloi se ai kishte kontakte me disa klube italiane dhe është i hapur për të punuar në kampionatin italian.
“Unë trajnoj për 16 vjet me radhë, kështu që vendosa të pushoj pak për t’u përgatitur për projektin që më frymëzon më shumë”, ka thënë fillimisht Emery.
“Nuk do të përjashtoj asnjë vend: Angli, Francë, Spanjë, ku unë kam punuar tashmë, ose Itali, në të cilën nuk kam punuar kurrë më parë”.
“Kam pasur disa kontakte me disa klube italiane, por për një arsye apo një tjetër, nuk ishte e mundur të punoja këtu”.
“Jam i hapur për çdo gjë dhe mbaj një vëmendje shumë të madhe për Serie A. Pa respekt dhe drejtësi, nuk do t’i përmend klubet që më kontaktuan në vitet e mëparshme”, përfundoi trajneri i njohur. /Telegrafi/