Anësori i Romës, Stephan El Shaarawy thuhet se po hetohet se ka rrahur një hajdut i cili u kap duke u përpjekur të vidhte Lamborghini e tij.
Sulmuesi i Giallorossëve ishte duke vizituar shtëpinë e Alessio Cerci më 12 shkurt dhe të dy ishin duke luajtur video lojëra kur egjiptiani pa hajdutin.
Corriere della Sera raporton se një 30-vjeçar kilian theu një xham dhe u përpoq të hipte në makinën e tij kur El Shaarawy la rezidencën dhe e ndoqi atë në rrugë, duke e përplasur më pas atë në tokë dhe duke pritur që policia të vinte.
Vjedhësi u dënua për një vit e katër muaj burg në maj të këtij viti, por thuhet se ka paraqitur një ankesë për lëndime turpore nga El Shaarawy.
Avokati i tij tha se marrja në pyetje e El Shaarawyt do të planifikohet në fund të korrikut.
“I akuzuari është një person që po vidhte makinën e tij, ai mund të thotë gjithçka, por gjithçka duhet të konstatohet”, ka thënë avokati i El Shaarawyt.
“Stephan do të tregojë se çfarë ka ndodhur kur caktohet marrja në pyetje, e cila sigurisht do të zhvillohet në fund të korrikut”.
Ende nuk dihet nëse anëtari i Romës mund të shpallet fajtor, pasi në shikim të parë ai vetëm e ka shtrirë hajdutin në tokë dhe e ka pritur policinë. /Telegrafi/