Eksperti italian i transferimeve, Gianluca Di Marzio ka konfirmuar se trajneri Antonio Conte do të largohet nga Tottenham në fund të sezonit.
Trajneri italian nënshkroi një marrëveshje 18-mujore në nëntor të 2021 dhe tani pritet të largohet nga Londra Veriore kur kontrata e tij të skadojë në qershor.
Eksperti italian i transferimeve, Gianluca Di Marzio, ka pohuar se ish-trajneri i Interit dhe Juventusit me siguri do të largohet nga Spurs gjatë verës.
“Presidentit Levy nuk i pëlqejnë zhurmat e shpeshta dhe ai dëshiron një klub ku mund të fitojë”.
“Duke mos qenë në gjendje të konkurrojnë për objektiva të caktuara dhe duke mos pasur të njëjtën ndjenjë si në të kaluarën, pa mbulim nga Paratici, Conte dhe Tottenham do të ndajnë rrugët”.
“Unë ende nuk e di klubin e tij të ardhshëm dhe ndoshta, para se të kthehet jashtë vendit, ai do të mendojë dy herë pas asaj që tha për familjen e tij”, ka thënë Di Marzio.
Sky – Conte lascia il Tottenham a fine stagione. Prossima destinazione non notahttps://t.co/n5ZSW46m2D
— Fcinter1908 (@fcin1908it) January 21, 2023
Conte është lidhur me një lëvizje te Juventusi, por Zonja e Vjetër mund të mos luajë as në Evropë sezonin e ardhshëm pas një zbritjeje prej 15 pikësh në Serie A.
Sipas La Gazzetta dello Sport, edhe UEFA mund të marrë masa kundër Bianconerëve duke i ndaluar ata nga garat evropiane për një ose më shumë sezone.
Italiani ka drejtuar Zonjën e Vjetër dhe Interin, duke fituar katër tituj të Serie A si trajner. Conte do të kthehet së shpejti në vendin e tij të lindjes, pasi skuadra e tij Tottenham do të përballet me Milanin në 1/8-tën e Ligës së Kampionëve. Ndeshja e parë është në San Siro më 14 shkurt. /Telegrafi/