Pak ditë më parë, komuniteti shqiptar i lojës CS:GO u befasua nga lajmi se ekipi më i suksesshëm shqiptar BLINK po bën ndryshime duke mos ua vazhduar kontratat dy lojtarëve, Rigon “rigoN” Gashi dhe Sener “SENER1” Mahmuti.
Megjithatë ky ndryshim nuk u prit aspak mirë nga fansat të cilët tash e një kohë të gjatë e përcjellin thuajse çdo ndeshje të ekipit BLINK dhe e bashkëjetojnë çdo sukses që ekipi e kanë arritur – e që në mesin e sukseseve përfshihet edhe renditja në top 25-shen e ekipeve më profesionale në botë për CS:GO, vendin e parë në turneun Gjirafa Masters League 1, dhe vendin e dytë në turneun Gjirafa Masters League 2.
Reagimet mbi këtë çështje nuk janë ndalur ende dhe shumë pyetje mbesin pa përgjigje, e veçanërisht kur marrim parasysh se edhe lojtari tjetër kryesor i ekipit, Flatron “juanflatroo” Halimi ka njoftuar se për një kohë të pacaktuar do të jetë në pushim mjekësor dhe nuk do të mund t’ia ofrojë ekipit BLINK shkathtësitë e veta të lojës.
Duke shkruar kuponin Telegrafi, ju përfitoni ekstra zbritje në laptopin Legion 5 i cili ka procesor AMD Ryzen 7 5800H, CPU clock (base / turbo) 3.2GHz / 4.4 GHz, kartelë grafike NVIDIA GeForce RTX 3050 4GB dhe monitor 144Hz FULL HD
Përveç fansat, lojtarëve e ekipit, në këtë ngjarje është përfshirë edhe kompania Gjirafa, e cila njihet si kompani që kontribuon në zhvillimin e komunitetit duke i përkrahur lojtarët, ekipet dhe duke organizuar liga me shpërblime të majme.
Pas insistimit të komunitetit që kompania ta bëjë të pamundurën për të ndikuar në zgjidhjen e “krizës” së ekipit BLINK, ka reaguar edhe Mërgim Cahani, CEO në Gjirafa, i cili ka thënë se është zemërthyer për lajmet e “Ekipës Guri” dhe se janë duke marrë informacione më të hollësishme se çfarë ka ndodhur.
Telegrafi.com mëson se gjatë ditës së sotme, kompania Gjirafa pritet të zhvillojë takim të brendshëm të menaxhmentit për ta trajtuar çështjen e ekipit BLINK dhe për ta shqyrtuar çdo mundësi se si mund të kontribuohet që ekipa e përbërë prej juanflatroo, rigoN, gxx, SENER1 dhe sinnopsyy ta vazhdojnë rrugëtimin.
Këtë informacion e ka konfirmuar edhe vet Mërgim Cahani, i cili ka treguar se Gjirafa mbetet e përkushtuar për eSports dhe CS:GO.
“Jemi duke shikuar se ku qëndrojmë me lojtarët dhe organizatën BLINK, pasi që i mbështesim të dy palët dhe do të shqyrtojmë se a mundemi të ndihmojmë diçka në këtë drejtim”, ka thënë ai.