Nesër (e martë) do të jetë një ditë me plot aksion për ekipin shqiptar Bad News Eagles, pasi do të përballen me dy skuadra në turne të ndryshëm të CS:GO.
Në ndeshjen e parë ekipi shqiptar do të përballet me ekipin francez HEET me renditje në vendin e 58 –të në ranglistën botërore të CS:GO.
Kjo ndeshje do të zhvillohet në kuadër të turneut BetBoom Playlist Urbanistic, ku për pjesëmarrësit ndahen çmime në vlerë 300.000 dollarë.
Ndeshja do të zhvillohet nesër (e martë) duke filluar nga ora 12:30 dhe do të transmetohet në kanalin zyrtar të BetBoom në platformën Twitch.
Por kjo nuk do të jetë ndeshja e vetme për ekipin shqiptar, pasi nga ora 19:00 do të përballen me ekipin portugez SAW me renditje në vendin e 28 –të në ranglistën botërore të CS:GO.
Kjo ndeshje zhvillohet në kuadër të turneut ESL Challenger League dhe do të transmetohet në kanalin JokerBr në platformën Twitch.
Favorit i të dyja ndeshjeve është ekipi shqiptar me renditje në vendin e 21 –të në ranglistën botërore të CS:GO. /Telegrafi/