Ndeshja ndaj ekipit UNGENTIUM ishte vendimtare sot për ekipin Bad News Eagles, të cilën arritën që ta fitojnë me rezultat të përgjithshëm 2-0 me mapa, për t’u kualifikuar në ligën ESL Challenger League.
Pas fitores ndaj ekipit ECLOT më herët, të cilën patën shumë vështirësi, Bad News Eagles në ndeshjen vendimtare u takuan me ekipin polak UNGENTIUM, të cilët i mposhtën në dy mapa, 16-9 në ‘Ancient’ dhe 16-13 në ‘Mirage’.
Me këto fitore ekipi shqiptar ka siguruar pjesëmarrjen në sezonin e 42 –të të ligës ESL Challenger, ku garojnë shumë ekipe të mira nga Evropa.
Kjo ishte ndeshja e fundit për Bad News Eagles para pushimeve të verës për lojtarët e CS:GO, dhe aksioni për ta pritet të filloj në muajin gusht. /Telegrafi/