Pas dy humbjeve radhazi në fazën ‘Legends Stage’ tani ekipit Bad News Eagles i duhen tri fitore për të kaluar në fazën tjetër të turneut IEM Rio Major.
Kundërshtari i tyre i radhës do të jetë ekipi më i mirë në botë FaZe të cilët mbajnë të njëjtin rekord të ndeshjeve si ekipi shqiptar 0-2.
Ndeshja ndërmjet dy ekipeve do të zhvillohet sot (e diel) në formatin ‘Bo3’, duke filluar nga ora 17:30 dhe ekipi humbës do të eliminohet përfundimisht nga gara.
Favorit i ndeshjes padyshim se është ekipi FaZe, të cilët përveç se renditen në vendin e parë në ranglistën botërore, ishin edhe fitues të Majorit të kaluar në Antwerp.
Ndeshjen Bad News Eagles kundër FaZe mund ta ndiqni në kanalin zyrtar të ESL në platformën Twitch. /Telegrafi/