XTEAM kohëve të fundit është duke e ndjekur suksesin e ekipit Bad News Eagles, më herët ata fituan një turne evropian, ndërsa nuk ishin aspak larg që ta fitonin edhe turneun e Ballkanit Kuvo OneTap.
Në këtë turne ekipi XTEAM arriti që të fitoi disa ndeshje interesante, njëra nga to edhe ndaj ekipit shqiptar BLINK në gjysmëfinale.
Në finale u takua me ekipin 0to100, nga të cilët u mposhtën me rezultat të përgjithshëm 3-1 me mapa.
https://twitter.com/xteamrks/status/1548753605691310082
Kështu me ketë humbje ekipi XTEAM ka përfunduar turneun në vendin e dytë, duke fituar rreth 800 euro si shpërblim.
Garat para pushimit veror për ekipin XTEAM nuk kanë përfunduar ende pasi janë duke garuar në turneun e CS:GO Adria, së bashku me dy ekipet tjera shqiptare BLINK dhe Illyrians.
/Telegrafi/