Pas tre muajsh me ndeshje të shumta në ligën ESEA Main, ekipi nga Kosova XTEAM ka siguruar pjesëmarrjen në sezonin e 42 –të të ligës ESEA Advanced.
Ekipi XTEAM po vazhdon të tregohet i suksesshëm që nga formimi i tyre, të cilët së fundmi dolën edhe fitues të turneut evropian CEE CHAMPIONS, ku morën me vete çmimin prej 15.000 dollarësh.
Edhe pse nuk e nisën mirë në ‘play-off’, ekipi XTEAM arriti që të rikthehet duke e mposhtur sot (e martë) ekipin Make your Destiny, me rezultat të përgjithshëm 2-0 me mapa, duke e siguruar pjesëmarrjen në sezonin e ardhshëm të ligës ESEA Advanced.
https://twitter.com/xteamrks/status/1541884376929259522
Tani në sezonin e radhës të ESEA Advanced, ekipi nga Kosova do të garojë me shumë skuadra të cilat janë të një niveli më të lartë se liga ESEA Main.
Pjesë e kësaj lige është edhe ekipi shqiptar BLINK, të cilët së fundmi nuk patën sukses që të sigurojnë vendin për ligën tjetër më të lartë.
Më poshtë e gjeni formacionin e ekipit XTEAM:
Arlind ‘deb0‘ Sadiku
Qendrim ‘v1w‘ Hajrizi
Serdar ‘cerber‘ Mahmuti
Arbnor ‘arbnorz‘ Sadiku
Atif ‘gejmzilla‘ Mustafa
/Telegrafi/