XTEAM po vazhdon rrugëtimin e tyre në skenën e CS:GO, pasi arritën të futen në Play-Off të ligës ESEA Advanced, kanë siguruar Play-Off –in edhe në turneun tjetër European Pro League.
Ekipi nga Kosova ishte pjesë e grupit B, ku përfunduan në vendin e parë me gjithsej gjashtë pikë me dy ndeshje të fituara.
Në ndeshjen vendimtare ekipi XTEAM u përball me ekipin rumun Infinite Gaming, ku pas një ndeshje të zjarrtë, rezultati përfundoi 2-1 me mapa në të mirë të ekipit nga Kosova.
https://twitter.com/xteamrks/status/1575501422501986310
Tani XTEAM do të garojë në Çerekfinale të turneut European Pro League dhe kundërshtari i tyre do të mësohet së shpejti.
Në turneun European Pro League ekipet janë duke garuar pjesë për një grup çmimesh rreth 20.000 dollarë, ku pjesëmarrës ishte edhe ekipi shqiptar BLINK të cilët janë eliminuar tashmë.
/Telegrafi/