CityTalents Kujtim ‘gulito’ Durmishi dhe Rinor ‘rinory’ Mustafa po përfaqësojnë Kosovën në Kopenhagë dhe tashmë janë kualifikuar për fazën e Play-Off në turneun 2 kundër 2 të Red Bull Flick.
Dyshja gulito dhe rinory kanë arritur që të fitojnë gjithsej katër ndeshje radhazi, duke humbur vetëm një për të kaluar tutje në Play-Off.
Të gjitha ndeshjet ekipi i Kosovës i ka zhvilluar në formatin ‘Bo3’ dhe tani do të synojnë të sigurojnë pjesëmarrjen në turneun kryesor ku i presin ekipet e famshme botërore si G2, OG, NIP, Heroic dhe më shumë.
Rrugëtimi i djemve nga Kosova në turneun Red Bull Flick do të vazhdoj nesër (e diel), ku kanë mbetur vetëm tetë ekipeve, dhe dy prej tyre do t’iu bashkohen tetë skuadrave profesionale në turneun kryesor.
Orari dhe kundërshtari i tyre i radhës nuk është bërë i ditur ende. /Telegrafi/