Po vazhdon forma fantastike e ekipit spanjoll Movistar Riders, të cilët po shkruajnë historinë në turneun IEM Cologne, në Koln të Gjermanisë.
Pas fitores me rezultat të përgjithshëm 2-1 me mapa ndaj Liquid, tani ekipi Movistar Riders do të përballen me fituesit e Majorit të fundit FaZe.
Ndeshja përballë publikut në sallën LanxesArena ndaj ekipit Liquid ishte tejet emocionuese, ku nisi me fitore të mapit të parë nga ekipi spanjoll, ndërsa mapin e dytë e fitoi ekipin Liquid për ta barazuar rezultatin në 1-1.
Mapi i tretë ishte gjithë kohës në dominim të ekipit Movistar Riders të cilët në fund e mbyllën me rezultat 16-12, duke ja siguruar vetes gjysmëfinalen.
Lojtari më i vlefshëm në këtë ndeshje ishte snajperisti i ekipit Movistar Riders, Alvaro ‘SunPayus‘ Garcia, me vleresimin nga HLTV 1.38.
Ndeshjen gjysmëfinale Movistar Riders do ta zhvillojnë nesër (e shtunë) kundër ekipit FaZe, duke filluar nga ora 19:00. /Telegrafi/