BIG e filluan mirë ndeshjen ndaj Spirit, por në fund nuk arritën që ta mbajnë rezultatin në anën e tyre dhe pësuan humbjen 2-1 me mapa.
Spirit kanë arritur që ta eliminojnë ekipin BIG pas fitores së tyre me rezultat 2-1 në turneun IEM Katowice në Poloni.
Edhe pse BIG e fituan mapin e parë, ata nuk arritën që ta mbajnë rezultatin në anën e tyre, duke u mposhtur në dy të fundit.
Igor ‘w0nderful’ Zhdanov u tregua i mrekullueshëm ashtu si pseudonimi i tij, duke arritur 70 eliminime dhe vlerësimin 1.37 nga HLTV.
Kjo fitore e dërgon ekipin Spirit në ‘Lower semi-finals’ ku e pret humbësin nga ndeshja Liquid – Na’Vi.
Ndërsa për ekipin BIG gara ka përfunduar në vendin e 13-16, duke marr me vete çmimin prej 10.000 dollarësh.
Turneu IEM Katowice po mbahet në Katowice të Polonisë, ku 16 skuadrat më të mira të botës garojnë për grupin e çmimeve prej 1 milion dollarësh. /Telegrafi/