Ekipi i Fnatic ka njoftuar se lojtari 17 vjeçar i akademisë së tyre, Matias “Banjo” Kivisto, do të luajë në ndeshjen hapëse të ESL Pro League në vend të Freddy “KRIMZ” Johansson, i cili është jashtë aksionit pasi doli pozitiv për COVID-19.
Turneu i organizuar në Gjermani, ka filluar sot me përballjen e G2 kundër Looking For Org, ku fitues doli ekipi i G2 edhe pse ishin ne mungesë të kapitenit të tyre AleksiB.
Mungesa siç duket do të ketë edhe në ekipin Fnatic, që së fundmi ka pasur ndryshime të njëpasnjëshme, e që tani do të duhet të fillojnë turneun e ESL Pro League në mungesën e lojtarit suedez Krimz.
Update on our CS:GO #ESLProLeague roster.
Due to testing positive for Covid, @Krimz faces travel restrictions and currently cannot attend ESL. We wish him a speedy recovery and hope that he will join the team in Dusseldorf very soon. pic.twitter.com/n260NGQOaX— FNATIC (@FNATIC) March 9, 2022
Ndeshjen e parë në kuadër të ESL Pro League, Fnatic do ta zhvillojë sot (e mërkurë), kundër ekipit suedez NIP duke filluar nga ora 19:30.
Ekipi i Fnatic gjithashtu ka lajmëruar se do e inkuadrojnë si zëvendësues edhe ish-lojtarin e ekipit Complexity, Valentin “Poizon” Vasilev.
Poizon siç duket do të luajë në rolin e snajperistit, duke e zëvendësuar kështu lojtarin i cili sapo është larguar nga Fnatic, Smooya.
Përbërja e Fnatic në ESL Pro League në mungesë të KRIMZ do të jetë:
Alex “ALEX” McMeekin
William “mezii” Merriman
Valentin “Poizon” Vasilev
Peppe “Peppzor” Borak
Matias “Banjo” Kivistö
/Telegrafi/