Pas humbjes nga ekipi NiP, tani ekipi shqiptar do të përballet me ekipin Astralis duke synuar fitoren e dytë në turneun kualifikues për Majorin e CS:GO.
Ndeshja do të zhvillohet në formatin ‘Bo1’ nesër (e enjte) duke filluar nga ora 11:00 dhe të dyja ekipet mbajnë serinë e fitoreve 1-1 (një fitore, një humbje).
Në rast të fitores ndaj ekipit danez Astralis, Bad News Eagles do të jenë vetëm një fitore larg kualifikimit në Majorin e CS:GO i cili do të mbahet në Rio de Janeiro të Brazilit.
Astralis ekipi i famshëm të cilët me formacionin legjendar që kishin më herët kanë fituar katër turne Major, për momentin renditen në vendin e tetë të ranglistës botërore të CS:GO.
Bad News Eagles pritet të tregojnë një lojë të mirë ndaj ekipit Astralis, edhe pse nuk janë favorit për të fituar, gjasat janë të mëdha pasi ekipi danez do të luaj në mungesë të yllit të ekipit ‘k0nfig’.
Ndeshja do të transmetohet në kanalin zyrtar të ESL në platformën Twitch. /Telegrafi/