Ekipi profesionist i Dota 2 – OG ka njoftuar një ndryshim të madh në listën e tyre pasi nuk arritën të kualifikohen për Lima Major.
Ish-kapiteni i skuadrës Mikhail “Misha” Agatov do të largohet nga lista fillestare dhe do të bëhet trajner i ekipit, ndërsa ish-trajneri i ekipit Evgenii “Chu” Makarov do të zërë vendin e tij në ekip, shkruan forbes.
Pas njoftimit, Misha lëshoi një deklaratë ku zbuloi se kishte vendosur të largohej nga lista aktive, ai tha se si trajner do të mund t’i ofrojë skuadrës më shumë se sa si lojtar.
A few words from @dota2misha on the roster swap: pic.twitter.com/FAbYG5Vnop
— OG (@OGesports) March 6, 2023
Ndryshimet vijnë pasi OG dështuan të kualifikohen për Lima Major, duke humbur në një raund epik të ndeshjeve së bashku me kampionët mbrojtës të TI, Tundra Esports dhe Entity.
Ekipi i ri i OG do të bëjë debutimin e tyre në vetëm pak ditë, në raundin e parë të ndeshjeve të DPC të Evropës Perëndimore. /Telegrafi/