Pasi u përfol se ekipi ENCE është duke synuar snajpersitin e ekipit Movistar Riders, sot (e enjte) erdhi lajmi i ri se Olek “hades” Miskiewicz, është vendosur në stol nga ekipi ENCE.
Pas këtij veprimi siç duket transferimi i lojtarit spanjoll Alvaro ” SunPayus” Garcia është shumë afër.
Hades iu bashkua ekipit ENCE në maj të vitit 2021 si zëvendësues, duke e zënë më vonë vendin e Aleksi “allu” Jalli, në muajin qershor.
Së bashku me hades, skuadra e ENCE dolën fitues të turneut LOOT.BET Season 9 dhe Funspark ULTI 2021 Europe Playoffs 1, në vitin e tij të parë, ndërsa pas shtimit të Pavle “Maden” Boskovic në vitin 2022, ENCE për herë të parë arriti që të renditet në vendin e dytë të ranglistës botërore të CS:GO.
Thank you, @CsgoHades 🧡
📰 https://t.co/GE1QnRKpDL#EZ4ENCE pic.twitter.com/nCBNTh9VOc
— ENCE (@ENCE) August 5, 2022
Megjithatë ekipi ENCE nuk arriti që të fitonte ndonjë trofe nga ngjarjet e mëdha këtë vit, ku hades nuk pati paraqitje aq të mira duke marrë vlerësimin nga HLTV 1.03.
Ndërsa ende nuk është konfirmuar për transferimin e lojtarit të ekipit Movistar Riders, SunyPaus.
Pas vendosjes në stol të snajperistit hades, ekipi ENCE duket si më poshtë:
Marco “Snappi” Pfeiffer
Pavle “Maden” Boskovic
Lotan “Spinx” Giladi
Paweł “dycha” Dycha
Eetu “sAw” Saha (trajneri)
Olek “hades” Miskiewicz (në stol)
/Telegrafi/