Edhe një tjetër befasi e radhës ka ndodhur në Majorin e CS:GO në Paris, Into the Breach kanë eliminuar ekipin fnatic.
Into the breach janë ekipi i shtatë që kanë siguruar pjesëmarrjen në fazën ‘Champions Stage’ në Paris, pas fitores 2-1 ndaj ekipit fnatic.
Lojtari më i dalluar këtë ndeshje ishte Joey ‘CRUC1AL’ Steusel me 58 eliminime dhe vlerësimin nga HLTV 1.35.
Tani ekipi Into the Breach do të luajnë përballë një publiku në Major për herë të parë, dhe do të jenë në garë për çmimin e vendit të parë prej 500.000 dollarësh.
Ndeshjet e fazës ‘Champions Stage’ do të fillojnë me datën 18 maj.
Tetë skuadra do të jenë në garë në ‘Champions Stage’, në sallën Accor Arena në Paris dhe ndeshjet do të transmetohen në kanalin zyrtar të BLAST në platformën Twitch. /Telegrafi/
