Ekipi shqiptar Bad News Eagles nuk arritën që ta fitojnë ndeshjen finale ndaj ekipit Aurora, ku u mposhtën me rezultat 2-1.
Pas shumë paraqitjeve të mira në turneun CCT South Europe, më në fund është mposhtur ekipi shqiptar.
Në finalen e madhe u takuan me ekipin Aurora, nga të cilët u mposhtën me rezultat të përgjithshëm 2-1 me mapa.
Pas kësaj humbje Bad News Eagles kanë përfunduar garën në vendin e dytë dhe kanë fituar çmimin prej 10.000 dollarësh.
Në anën tjetër ekipi fitues Aurora ka fituar 22.000 dollarë.
Ky ishte turneu i parë i ekipit shqiptar me trajnerin e tyre të ri ‘Devilwalk’, dhe gara të shumta i presin këtë vit, përfshirë edhe turneun Major në Paris. /Telegrafi/