Edhe kësaj radhe ekipi 9INE arriti të tregohet më i mirë se ekipi shqiptar Bad News Eagles, duke i eliminuar nga turneu kualifikues ESL Challenger League.
Ndeshja përfundoi me rezultat të përgjithshëm 2-0 me mapa në të mirë të ekipit polak.
Të dyja mapat përfunduan me rezultat të ngushtë dhe shkuan në vazhdime, mapi i parë ‘Vertigo’ përfundoi me rezultat 19-16, ndërsa i dyti ‘Mirage’ me rezultat 19-17.
Tani pas kësaj humbje ekipi Bad News Eagles është eliminuar nga turneu kualifikues ESL Challenger League, duke përfunduar në vendin e katërt.
Pas renditjes në vendin e katërt ekipi shqiptar ka fituar çmimin prej 4.000 dollarësh.
Bad News Eagles tani do të vazhdoj përgatitjet e tyre për turneun Major në Brazil, si dhe turneun tjetër ku tashmë e ka siguruar Play-Off –in, Elisa Invitational Fall 2022. /Telegrafi/