Astralis është shumë afër një finaleje tjetër, pasi mposhti ekipin forZe në çerekfinale të RoobetCup CS:GO dhe tani në gjysmëfinale do të ndeshet me ekipin numër një në botë, FaZe.
Ekipi danez është duke u munduar të mbajë formën e tyre nga turneu i kaluar, të cilin e përfunduan në vendin e dytë.
Benjamin ‘blameF’ Bremer edhe njëherë e ndihmoi ekipin e tij me një paraqitje fantastike ndaj ekipit forZe, të cilën e përfundoi me 60 eliminime.
https://www.youtube.com/watch?v=qnGAjYn8HVY
Astralis ndeshjen e fituan me rezultat të përgjithshëm 2-0 me mapa, në mapin e parë nuk patën shumë vështirësi duke e përfunduar 16-8, ndërsa në mapin e dytë ekipi forZe iu bëri mjaft problem duke e dërguar në vazhdime, për të përfunduar me rezultat 19-22 në të mirë të Astralis.
Ndeshjen e radhës Astralis do ta zhvillojë ndaj ekipit FaZe nesër (e mërkurë) duke filluar nga ora 19:00 dhe do të transmetohet në kanalin zyrtar të RoobetCup në platformën Twitch. /Telegrafi/