Trajneri me origjinë boshnjake, Edin Terzic është një nga objektivat kryesore të Manchester Unitedit nëse përfundimisht ndahen me holandezin Erik ten Hag.
Sezoni zhgënjyes i gjigantëve nga Old Trafford u shpëtua me fitimin e FA Cup dhe kualifikimin në Ligën e Evropës, por askush në klub nuk beson se trajneri Ten Hag duhet të qëndrojë.
Pronarët e klubit së shpejti do të marrin një vendim përfundimtar dhe me shumë gjasa do të bëjnë të ditur se holandezi është një diçka që i përket së kaluarës te United.
Nëse kjo ndodh, kandidati i parë për të qenë pasardhës i tij është trajneri i Borussia Dortmundit, Edin Terzic, i cili e çoi skuadrën gjermane në finalen e Ligës së Kampionëve, ku u mposht nga Real Madridi.
Interesant është fakti që edhe mediat gjermane edhe ato angleze shkruajnë për interesimin e United për Terzicin.
Gazeta Bild thekson se Terzic është shënjestër e United dhe një tjetër skuadre nga Liga Premier, ndërsa The Sun dhe disa media të tjera britanike theksojnë se në Old Trafford e kanë përshkruan trajneri e Dortmundit si idealin për projektin e ri.
🚨 Edin Terzic is a potential replacement for Manchester United should the club move on from Erik ten Hag.
(Source: @SunSport) pic.twitter.com/KFdzDP0VYg
— Transfer News Live (@DeadlineDayLive) June 8, 2024
Mediat zbulojnë gjithashtu se “rivali” i Manchester United në betejën për Edin Terzicin është skuadra e Leicester Cityt, e cila është rikthyer në Ligën Premier pas një viti mungesë.
Leicester City u rikthye në Ligën Premier, por mbeti pa trajnerin Enzo Maresca. Italiani u transferua te Chelsea, kështu që pozicioni i tij në Leicester mbeti vakant dhe “Dhelprat” shpresojnë që Terzic të mund ta plotësojë atë.
Nga ana tjetër, Terzic ka deklaruar në disa raste se do të dëshironte të qëndronte në Dortmund nëse i jepet mundësia, por vështirë se do të mund të refuzonte ofertat nga Anglia, veçanërisht nga Manchester United. /Telegrafi/