Edicioni i ri, por Unitedi i vjetër – Djajtë e Kuq mposhten në shtëpi nga Brightoni

Manchester United e ka nisur edicionin 2022/23 me humbje në “Old Trafford” përballë Brightonit me rezultat 2-0.

Epoka e Erik ten Hag te Djajtë e Kuq filloi me disfatë dhe nga tani e tutje ka ngritur shumë pikëpyetje për të ardhshme e skuadrës në këtë sezon.

Pas vetëm gjysmë ore lojë, Danny Welbeck asistoi te Pascal Groos, i cili realizoi për 1-0.

Kaluan vetëm nëntë minuta nga goli i parë dhe Groos (39’), shënoi edhe të dytin për skuadrën e tij dhe të dytin personal.

Me këtë dy gola, dy skuadrat shkuan në pushimin mes pjesëve.

45 minutat e dytë sollën vetëm një gol, por që nuk ishte i mjaftueshëm që Manchester United të shpëtonte nga humbja.

Ishte minuta e 68-të e takimit, kur Alexis Mac Allister e futi topin në rrjetën e tij nga një goditje nga këndi.

Deri në fund, Unitedi u mundua të merrte një pikë, mirëpo Brightoni ishte i vendosur shumë mirë në mbrojtje, duke marrë kështu pikët e plota. /Telegrafi/