Sir Alex Ferguson drejtoi Manchester United nga viti 1986 deri në 2013 dhe e bëri atë një nga klubet më të mira në botë. Trajneri i famshëm skocez fitoi 38 trofe në 26 vitet e tij në krye të United, duke përfshirë 13 tituj të Ligës Premier, pesë FA Cup dhe dy Liga të Kampionëve.
Gjatë karrierës së tij, ai konfirmoi shumë yje të futbollit botëror, por ai vetë pranoi se kishte një sërë transferimesh të dështuara.
Ferguson ishte i ftuar në darkën e Shoqatës së Menaxherëve të Ligës, ku ai pranoi se Ralph Milne ishte dështimi më i madh i karrierës së tij.
Në nëntor 1988, Milne u transferua nga divizioni i tretë Bristol City te United për 170 mijë funte.
“Nënshkrimi im më i keq? Ralph Milne. Kam paguar vetëm 170 mijë funte, por ende jam duke u gjykuar për të”, ka thënë Ferguson.
Milne shënoi tre gola në 22 ndeshje në sezonin e tij të parë në United. Ai qëndroi edhe një vit, dhe më pas u largua nga klubi. Milne ndaloi së luajturi futboll në vitin 1991 dhe kishte probleme të mëdha me alkoolin.
Ferguson përmendi një tjetër dështim
21 vjet më parë, United nënshkroi mesfushorin kamerunas, Eric Djemba-Djemba, të cilin e solli nga Nantes për rreth katër milionë euro.
Ferguson besonte se ai do të ishte pasardhësi i Roy Keane, por ai qëndroi në United për dy vjet dhe dështoi plotësisht. /Telegrafi/