Katër notarë kanë marrë lëndime nga sulmet e delfinëve në një plazh në Japoninë qendrore, thonë zyrtarët.
Një burrë, rreth të 60-tave, pësoi thyerje të brinjëve dhe kafshime në duar pasi një delfin e përplasi atë disa metra larg plazhit Suishohama në qytetin Mihama, prefektura Fukui, herët të dielën.
Një burrë tjetër, rreth të 40-tave, u kafshua në krah në një incident të veçantë në plazhin popullor të njëjtin mëngjes.
Dy persona të tjerë u lënduan nga gjitarët më vonë gjatë ditës.
Kështu, Fukui ka regjistruar tani gjashtë sulme të tilla këtë vit, thotë policia lokale.
Si rezultat, janë vendosur shenja që u thonë notarëve të shmangin afrimin ose prekjen e gjitarëve.
Ndërsa delfinët zakonisht nuk janë agresivë ndaj njerëzve, armiqësia ndaj notarëve nuk është e padëgjuar.
Shkencëtarët kanë sugjeruar që “delfinët e egër” e shohin notin përkrah njerëzve “tepër stresues”, pasi një gjë e tillë ua rutinat e tyre të sjelljes. /Telegrafi/