Një zyrtar policor në Peru është suspenduar, pasi u kap dhe filmua duke puthur një femër të cilën është dashur ta dënojë për shkelje të masave anti-COVID.
Në pamjet e publikuara më poshtë shihet se si zeshkania puth zyrtarin policor, në këmbim të faljes së dënimit, transmeton Telegrafi.
Një televizion lokal ka filmuar këtë dhe pas publikimit të pamjeve ai është suspenduar nga eprorët e tij.
E femra e paidentifikuar ishte zënë fillimisht duke ngarë me shpejtësi të madhe në një zonë të banuar, e pasi ishte ndalur ajo rrezikohej të dënohej për tejkalim shpejtësie dhe shkelje të masave anti-COVID.
Zyrtari policor fillimisht heziton të puthet me vajzën që tërë kohën i afrohej, por pasi që sigurohet se mund ta bëjë – ai i “vërsulet” asaj.
Ibero Rodriguez që është në krye të komisionit për sigurinë e qytetarëve në këtë rajon, ka bërë të ditur se kryetari i qytetit Luis Molina ka ndërmarrë veprimin e menjëhershëm – duke suspenduar policin. /Telegrafi/
