Manchester United e ka nisur me fitore edicionin 2023/24 në Ligën Premier.
Djajtë e Kuq kanë marrë tre pikët e para, pasi në Old Traford mposhtën Wolverhampton Wanderers me rezultat minimal 1-0, falë një goli nga Raphael Varane.
Përkundër përforcimeve, trajneri i United nuk e sheh skuadrën e tij në luftë për titullin e kampionit.
Erik Ten Hag ka thënë se nuk është reale që të thuhet se United do të luftojë për titullin duke parë ekipet si Arsenal dhe Manchester City.
“Ka nga ata që janë të sigurt se Manchester United duhet të luftojë për titullin. Duke parë nivelin e Arsenalit dhe sa mirë ka bërë Manchester City, unë mendoj se nuk është reale të thuash se United do të garojë për kreun”.
“Vijoj të mendoj se vendi i tretë do të ishte si një trofe për skuadrën e Ten Hag, do ishte një sukses i madh. Por e kuptoj se nga vjen presioni për të fituar titullin. Pasi drejtuesit kanë shpenzuar pafund për të përforcuar skuadrën”, deklaroi Ten Hag.
Në xhiron e dytë Djajtë e Kuq do ta kenë përballjen e parë të vështirë, pasi luajnë në udhëtim te Tottenham Hotspur.
Sfida mes Spurs dhe United zhvillohet të shtunën me fillim nga ora 18:30. /Telegrafi/