Jorge Mendes është një nga menaxherët më të mëdhenj në botë dhe njëherit më i suksesshmi pa pikë dyshimi.
Agjenti portugez ka shumë futbollist të mëdhenj nën menaxhim, derisa i fundi që ka marrë është talenti francez i PSG-së, Warren Zaire-Emery.
Mendes ka folur fjalë të mëdha për 17-vjeçarin duke thënë se beson se një ditë do ta fitoj Topin e Artë.
“Është kënaqësi ta shohësh Warren në këto nivele. Që në këtë moshë është ndër mesfushorët më të mirë në botë, dhe padyshim do të jetë një nga lojtarët më të mirë në të ardhmen”.
“Ndoshta një ditë ai do të fitojë Topin e Artë… Warren është një shembull për të gjithë të rinjtë. Është vetëm 17 vjeç, por gjithmonë e di se çfarë duhet të bëjë”.
“Ka një personalitet të fortë, por mbetet një djalë modest dhe i përulur. Warren e di se çfarë i duhet për të mbërritur në majë dhe për t’u bërë një nga futbollistët më të rëndësishëm të 20 viteve të ardhshme”, deklaroi Mendes.
Reprezentuesi francez ka zhvilluar 16 ndeshje këtë edicion ku ka shënuar dy gola e ka asistuar në pesë të tjerë. /Telegrafi/