Hellas Verona ia ka caktuar çmimin Marasha Kumbullës, pas interesimit të shumë skuadrave evropiane.
Mbrojtësi shqiptar ka qenë vendimtar në këtë edicion për skuadrën italiane, duke luajtur në 18 ndeshje dhe ka shënuar një gol.
A lidhet me një kalim te skuadrat si, Napoli, Chelsea, Inter, Fiorentina, Manchester United, Raenball Sport Leipzig, Paris Saint-Germain, Everton, Lazio, Tottenham Hotspur dhe Eintracht Frankfurt, derisa vlera e tij është rreth 25 milionë euro.
“Vlera e tij është më shumë se 25 milionë euro”, ka thënë drejtori i Veronës, Tony D’Amico.
“Ne jemi duke folur për një mbrojtës fantastik që po kalon nëpër një formë të mrekullueshëm, veçanërisht për moshën që ka”.
“Ai do të ketë shumë oferta në tavolinë, por tani jemi të fokusuar që të përfundojmë këtë edicion. Jemi të lumtur që të zhvillojmë një lojtar të tillë dhe cilësi të mëdha”, ka shtuar më tej ai.
Kumbulla mund të qëndrojë në Itali, aty ku kërkohet nga disa skuadra, derisa Verona mund të kërkojë deri në 30 milionë euro. /Telegrafi/