Pushuesit në Mykonos të Greqisë janë përballur me një surprizë të keqe kur një traget pasagjerësh me shpejtësi shkaktoi një valë të madhe – duke trazuar ujin dhe duke i rrëzuar disa prej tyre.
Si pasojë, shkruajnë mediat e huaja, përcjell Telegrafi, dy persona raportohet se u lënduan kur vala e madhe shpërtheu në ujërat e qeta dhe u përplas në breg, me një grua që thuhet se kishte thyer brinjë.
Një pushues filmoi momentin “uji i trazuar” arriti në plazh, me notarët që shiheshin duke dalë nga deti dhe dëgjoheshin ulërima në pamjet dramatike.
Më pas, uji mbulon të gjithë plazhin, me turistë të tronditur që shihen duke u përpjekur të marrin sendet e tyre përpara se të largohen.
📌 Μύκονος: Λουόμενοι τραυματίστηκαν από κυματισμό πλοίου – Δύο τραυματίες – Συνελήφθη ο πλοίαρχος
📌 Αναστάτωση προκάλεσε σε παραλία της Μυκόνου, ο κυματισμός που προκάλεσε πλοίο, από τον οποίο τραυματίστηκαν δύο λουόμενοι το μεσημέρι του Σαββάτου (21/7) στην παραλία του Αγίου… pic.twitter.com/UKw7rEsvaf
— vradini.gr (@VradiniGr) July 21, 2024
Varka u ankorua në portin e Rafina në Greqinë kontinentale, ku kapiteni u arrestua, raportojnë mediat lokale.
Ngjarja ka ndodhur rreth mesditës së së shtunës në plazhin e njohur të Agios Stefanos pranë Tourlos, porti i ri i Mykonos.
Takis Papadakos, i cili filmoi valën e ujit dhe ndau videon e incidentit në Facebook, tha se gruaja në video “u shtrua në spital me dy brinjë të thyera”.
Varka thuhet se i përkiste Fast Ferries Andros, e cila transporton turistë dhe vendas midis kontinentit, Mykonos dhe ishujve të tjerë të ndryshëm. /Telegrafi/