Ekipi danez Astralis u eliminua nga turneu CCT nga ekipi HEET, por dy lojtarët e tyre Benjamin ‘blameF’ Bremer dhe Nicolai ‘device’ Redtz ishin më të mirët sa i përket statistikave.
BlameF dhe device, ishin disa nga lojtarët më të mirë në serinë e dytë të CCT Europe North, pavarësisht humbjes nga HEET në çerekfinalen e ngjarjes prej 50,000 dollarësh, sipas tabelave të HLTV.
BlameF ishte lojtari me vlerësimin më të lartë të serisë dy të CCT Europe North, ai mori vlerësimin nga HLTV 1.45.
Në vendin e dytë renditej bashkëlojtari i blameF, device me vlerësimin nga HLTV 1.43, edhe pse skuadra e tyre nuk arriti që të dalë fituese në turneun CCT.
Astralis do të luajë edhe një turne përpara pushimit të lojtarëve, organizata do të zbulojë detajet e kësaj ngjarje në një datë të mëvonshme. /Telegrafi/