Është shtyrë përpjekja e Lewis Hamiltonit për më së shumti fitore në Formula 1, për shkak të dënimeve në garën për Çmimin e Madh të Rusisë.
Kolegu i skuadrës te Mercedesi, Valtteri Bottas, e fitoi këtë garë, pasi që kampionit i iu dha dënim prej 10 sekondash për shkak të dy fillimeve ilegale.
Fitorja e Bottas do të thotë se e ka ngushtuar në 44 pikë diferencën me liderin, i cili është pranë suspendimit për një garë për shkak të dënimeve të akumuluara.
Pas fituesit të garës në Rusi, i dyti u rendit Max Verstappen i Red Bullit, ndërsa me gjithë dënimet, Hamilton ia doli që të ngjitej në podium.
Britaniku është një fitore larg që ta barazojë rekordin e Michael Schumacherit për më së shumti fitore në histori të Formula 1 dhe për këtë tash duhet ta presë garën e radhës. /Telegrafi/