Poezi nga: Adem Gashi (1953-2024)
në djep ninullash po më përkund lashtësia
me harmoni kundërshtish
dritëhijesh hijedritash
“pak dritë, pak dritë, pak dritë”
u deshën shekuj të shndërrohet në urti:
E ZEZA NË TË BARDHË
ardhur nga mistere, hone e thellësi
mbarsur me intrigë
lë lojën e figurave për një uratë:
mbi mendime mos na rëntë krahnezë
mos qoftë e thënë të biem në marrëzi
ta kthejmë Të Bardhën në Të Zezë